TADek intsektario bat inauguratu du Bizkaiko Zientzia eta Teknologia Parkeko BIC Bizkaia eraikinean
10 February, 2021
Provider programa II. edizioaren azken faserako sailkatutako proiektuak
12 April, 2021
IMG Pharmak berriki argitaratu du “Analysis of Acetylcholinesterase Activity in Cell Membrane Microarrays of Brain Areas as a Screening Tool to Identify Tissue Specific Inhibitors” azterlana Analytica (https://doi.org/10.3390/analytica2010003) nazioarteko aldizkarian (beste batzuek ere berrikusita).
Artikulu horrek High Throughput Screening (errendimendu handiko baheketa) plataforma bat deskribatzen du azetilkolinesterasaren inhibitzaileak aztertzeko, konpainiaren jabetzakoa den teknologian oinarrituta: mintz zelularren mikroarrayak.
Lana EHUko “Min eta Adikzioen Neuropsikofarmakologia” ikerketa-taldearekin lankidetzan egin da, María Torrecilla Sesma doktorearen zuzendaritzapean, eta Bilboko Gurutze Gorria Ospitaleko Marina Gulak-ekin. Horrela, argitalpen zientifikoen zerrenda luzatzen da, eta horien egile nagusia Gabriel Barreda Gómez doktorea da, konpainiako CSOa.
Nazioarteko aldizkari ospetsuetako argitalpenek Bizkaiko enpresa horren bikaintasun zientifiko-teknikoa ikusarazten laguntzen dute. Enpresa BIC BIZKAIAn dago kokaturik, bio-mikro-nano teknologietan, manufaktura aurreratuan eta teknologia garbietan espezializatutako inkubagailuan, Eusko Jaurlaritzak eta Bizkaiko Foru Aldundiak sustatu eta Beazek kudeatzen duena.