Egin eta Ekin programak gazteen ekintzailetza Bizkaiko ikasgeletara hurbiltzen jarraitzen du
11 March, 2026
PINTXO BIC Bizkaiak startupak eta enpresak bildu zituen ostegunean, hilak 30, egindako jardunaldian
4 May, 2026
Dagoeneko ezagutzera eman dira PROVIDER programaren VII. edizioko proiektu finalistak. Beaz Bizkaiak eta Tknikak sustatutako programa honek Bizkaiko Lanbide Heziketako zentroen sarean ekintzailetza berritzailea bultzatzen du.
Edizio honetan, berrikuntzagatik eta garatzeko potentzialagatik nabarmendu diren zazpi ekimen hautatu dira:
- Ecliptix Helmet – CIFP Emilio Campuzano LHII
- GarbIA – CIFP Txurdinaga LHII
- IIAKIA – Arangoya Ikastetxea LH
- Itsasbizi – Lea Artibai Ikastetxea
- Smart Composite – CIFP Fadura LHII
- VaporCore – CIFP Santurtzi LHII
- Wrappers AI – Salesianos Deusto
Talde ekintzaileek maiatzaren 7an defendatuko dituzte beren proiektuak, pitch saio batean, Bizkaiko Foru Aldundiko Ekonomia Sustatzeko Sailaren, Beaz Bizkaiaren eta Tknikaren ordezkariek osatutako epaimahai baten aurrean.
Balorazio onena lortzen duten bi proiektuek laguntza pertsonalizatua jasoko dute, BIC Bizkaiko ekintzailetza gelarako sarbidea izango dute eta beren soluzioak garatzen jarraitzeko diru-laguntza bat eskuratuko dute.
Horrela, PROVIDER programa funtsezko ekimen gisa sendotzen da Bizkaiko Lanbide Heziketaren esparruan talentu gaztea bultzatzeko eta berrikuntza sustatzeko.
Zorionak finalista izan diren talde guztiei egindako lanagatik eta fase honetara iristeagatik.