EIT FOOD-en bisita
19 November, 2025
EHUko ikasleek ekintzailetza gertutik ezagutu dute BIC Bizkaian
5 February, 2026
Urtarrilaren 22an, PROVIDER programaren VII. edizioaren baitako jardunaldi berria egin zen, oraingoan energia berriztagarriak izan zirelarik jardunaldiaren ardatz nagusi, ekintzailetza teknologikoa eta aukera berrien sorrera sustatzeko tresna gisa.
Guztira, Bizkaiko 11 Lanbide Heziketa zentrotatik etorritako 55 pertsonak parte hartu zuten.
Saioan zehar, Solargic Energy eta MineTechnology enpresetako profesionalek hitzaldi espezializatuak eskaini zituzten, sektoreko joera eta erronka nagusien inguruko ezagutza partekatuz.
Halaber, aurreko PROVIDER edizioan saritutako proiektuetako bat den Zimergreen-en ekintzailetza-esperientzia aurkeztu zen, ideia berritzaile bat nola bihur daitekeen eragin handiko enpresa bihurtzen erakutsiz.
Jardunaldia amaitzeko, parte-hartzaileek Innitius enpresa bisitatu zuten, BIC Bizkaian kokatua, eta bertan osasunaren arloan garatzen ari diren teknologia-proiektua lehen eskutik ezagutzeko aukera izan zuten.
Jardunaldi hau PROVIDER ekimenaren barruan kokatzen da, Bizkaiko Foru Aldundiak eta TKNIKAk bultzatuta, URRATSBAT programaren testuinguruan, eta helburua da Bizkaiko LHko sarean startup berritzaileak sortzea sustatzea.
Eskerrak eman nahi dizkiegu jarduera hau posible egiten duten pertsona eta enpresa guztiei, Bizkaia erreferente bilakatzen laguntzen baitute berrikuntza teknologikoaren eta garapen jasangarriaren arloan.