IMG PHARMAren argitalpen berria aldizkari zientifiko batean

IMG Pharmak “Analysis of Mitochondrial Function in Cell Membranes as Indicator of Tissue Vulnerability to Drugs in Humans” artikulua argitaratu du State-of-the-Art Drug Discovery and Development in Spain nazioarteko aldizkariaren ale berezian (https://doi.org/10.3390/biomedicines10050980).

Artikuluak propietate antidepresiboak, antipsikotikoak, antikolinergikoak, narkotikoak eta analgesikoak dituzten hainbat sendagairen albo-ondorioen detekzio goiztiarra aztertzen du, efektu horiek animalien eta gizakien ehunetan ebaluatuz, IMG PHARMA BIOTECHen zelula-mintzetako mikroarrayen teknologiari esker.

Azterlana elkarlanean egin da María Torrecilla Sesma doktoreak zuzentzen duen EHUko Minaren eta Adikzioen Neuropsikofarmakologiako ikerketa-taldearen eta Lola Ganfornina eta Diego Sánchez doktoreek zuzendutako IBGM-UVA-CSICeko nerbio-sistemaren garapen eta endekapenari buruzko ikerketa-taldearen artean.

Horrela, konpainiaren ekoizpen zientifikoa haziz doa, eta dagoeneko lehen mailako argitalpen zientifikoen zerrenda zabala du. Argitalpen horien egile nagusia Gabriel Barreda Gómez doktorea da, konpainiako CSOa.

Nazioarteko aldizkari ospetsuetan ateratako argitalpenok enpresa horren bikaintasun zentifiko-teknikoa agerian jartzen laguntzen dute. BIC BIZKAIAn kokatuta dago, bio-mikro-nano teknologietan, manufaktura aurreratuan eta teknologia garbietan espezializatutako inkubagailuan, Eusko Jaurlaritzak eta Bizkaiko Foru Aldundiak sustatua eta BEAZek kudeatua.