IMG Pharmaren argitalpe berria

IMG Pharmak “Enzyme Therapy: Current Challenges and Future Perspectives” berrikuspena argitaratu du Paresek berrikusitako “International Journal of Molecular Sciences“ nazioarteko aldizkariaren Molecular Enzymology: Advances and Applications zenbaki berezian.

Berrikuspenak terapia entzimatikoen hainbat alderdi eta azken urteetan izan duten bilakaera aztertzen ditu, eta mikroarrayetan oinarritutako metodologia berriak aurkezten dira, terapia entzimatikoak jasan dituzten pazienteen erantzun immunea monitorizatzeko.

IMG Pharma buru duen lan honetan, oftalmo-biologia esperimentaleko (UPV/EHU) taldeak, Zuricheko Unibertsitateko Farmakologia eta Toxikologia eta Biologia Molekularreko sailek eta Bizkaiko The Art of Discovery enpresak ere parte hartzen dute. Berrikuspen horrek lehen mailako argitalpen zientifikoen zerrenda luzea biltzen du, eta horien egile nagusia Gabriel Barreda Gómez doktorea da, gure konpainiako CSO.

Nazioarteko aldizkari entzutetsuetan egindako argitalpen horiek Bizkaiko enpresa honen bikaintasun zientifiko-teknikoa ikusarazten laguntzen dute. BIC BIZKAIAn dago, bio-mikro-nano teknologietan, manufaktura aurreratuan eta teknologia garbietan espezializatutako inkubagailua, Eusko Jaurlaritzak eta Bizkaiko Foru Aldundiak sustatua eta BEAZek kudeatua.